Partiya Demokratîk a Gelan (HDP) a Îzmîrê têkildarî vîrûsa koronayê (Covîd-19) ku li Tirkiyeyê belav bûye, daxuyaniyek nivîskî da.
HDP’ê bang li îktîdarê kir ku li hemberî daxwaz û pêdiviyê gel hestiyar tev bigere û ev tişt parve kirin: “Demek beriya demekê ji bo parastina li dijî vîrûsê divê 15 rojan qedexeya derketina kolanan bê ragihandin.”
Bi domdarî jî HDP’ê ev agahî dan: “Di vê pêvajoyê de karker û kedkar divê destûra biheq bigirin. Divê hemû pêdiviyên gel ên mecbûrî yên jiyanê bên temînkirin. Heta niha li Îzmîrê çiqas kes bi şewbê ketîne yan jî çend kesan ji ber vê şewbê jiyana xwe ji dest dane, tu agahî nehatine parvekirin. Em dixwazin ku ev pêvajoya ku nediyare dê çiqas biajo, bi windakirinên herî kêm bê derbaskirin. Li şûna ku îktîdar bibe bersîva daxwazên gel, weke karê destpêkê li şaredariyên HDP’ê qeyûm tayîn kirin. Em dibînin ku civak û gel terkî qedera wan hatiye kirin û hikûmet vê pêvajoyê ji bo xwe weke firsend bi kar tîne. Em dixwazin ku hemû partî, rêxistinên civakî û saziyên civakî bi hevkarî û tevkariya hev pêdiviyên civakê pêşwazî bikin û bi vî awayî vê pêvajoyê derbas bikin.” ÎZMÎR
