Navenda Nûçeyan |
Hêzên Rizgariya Efrînê (HRE) bi daxuyaniyekê ragihand ku hêzên wan li dijî hêzên dagirker ên artêşa tirk û komên çete yên girêdayî wê çalakiyên bi bandor pêk anîne.
HRE’yê diyar kir ku hêzên wan di 26’ê adarê de li gundê Omera yê Şera ya Efrînê li dijî çeteyan çalakiyeke serdagirtinê pêk anî û di encamê de 3 çete hatin kuştin. HRE’yê wiha domand: “Hêzên me di 1’ê nîsanê de jî li ser rêya gundê Birc Heyder ê Şêrawayê li dijî seyareya berpirsyarê çetayan ê bi navê Ebû Xalid çalakiyeke sabotajê kkir. Di çalakiyê de tevî Ebû Xalid, 3 çete hatin kuştin, çeteyek birîndar bû û seyare jî îmha bû.”
Daxuyaniya HRE’yê wiha bi dawî bû: “Hêzên me li taxa Mehmûdiyê ya Efrînê li dijî çeteyên artêşa dagirker çalakiyeke sabotajê li dar xistin. Di encamê de ziyanên madî gihîştin çeteyan. Her wiha artêşa dagirker gund û navçeyên girêdayî herêma Efrîn û Şehbayê bê navber topbaran dike û li herêmê tevgera balafirên bêmirov berdewam dike.”
