Navenda Nûçeyan |
Gerîlayên YJA Starê di çarçoveya Pêngava Şoreşgerî ya Cenga Heftenînê de li leşkerên tirk ên li Girê Şêxmûs xist. Di çalakiyê de hemû çeper hatin rûxandin û 8 leşker hatin kuştin. Têkildarî mijarê Navenda Ragihandin û Çapemeniyê ya HPG’ê daxuyanî da.
HPG’ê diyar kir ku hêzên wan ên YJA Starê di çarçoveya Pêngava Şoreşgerî ya Cenga Heftenînê ya li Herêma Heftenîn a Herêmên Parastinê yên Medyayê dom dike de, di 3’yê nîsanê saet 15:20’an de li dijî artêşa tirk ên li Girê Şehîd Şêxmûs çalakî li dar xist. HPG’ê da zanîn ku di çalakiyê de çeperên leşkeran ên li ser gir bûn hedefa wan û ev agahî dan: “Çeper bi temamî hatin rûxandin û 8 leşker hatin kuştin. 3 leşker jî birîndar bûn. Çeka giran a A-4 a li çeperê bû jî hate rûxandin. Yekîneyên me yên ku çalakî kirin bi sax û silametî vegeriyan cihên xwe.”
Daxuyanî wiha bi dawî bû: “Di 4’ê nîsanê saet di navbera 10:00-02:00’an de balafirên şer ên artêşa tirk devera Geliyê Pisaxa ya Herêma Heftenînê yên Herêma Parastinê ya Medyayê bombebaran kir. Di bombebaranê de tu ziyan negihiştine hêzên me.”
