Merkezê Xeberan]
Bîlançoya Vîrusê Korona roj bi roje giran bena û lazimîyê merdimîye zêdîyenî. Vîrusê Korona (Covid-19) ke reya yewine eyaletê Hubei bajarê Wuhanî yê Çînî de vejîyabî raşte bi hawayêko lez vilayê pêroyê dinya bî. Badê Çînî Îran, Îtalya, Îngîltere û xeylê welatanê Ewropa de vila bî. Vîrus Tirkîya ra dima tewr peynî Amerîka de bi hawayêko lez vila bî û hema hema pêroyê dinya de cuye da vindetene.
Pêroyê dinya de hûmara kesê ke bi Vîrusê Korona kewtî 1 mîlyon û 300 hezarî derbaz kerde. Hûmara kesê ke vîrus ra merdî zî 70 hezarî derbaz kerd
Almanya de hûmara kesê ke bi vîrus kewtî 100 hezarî derbaz kerd.
Îngîlîstan de tena 24 saetanê peyênan de 439 kesî merdî û heta nika 5 hezar û 373 kesî vîrus ra cuya xo vindî kerdî.
Fransa de 24 saetanê peyênan de 833 kesî merdî û hûmara merdeyan resaye 8 hezar û 911 kesane.
Amerîka de zî hûmara kesê ke bi vîrus kewtî 347 hezarî derbaz kerde. Heta nika 10 hezar û 335 kesî Vîrusê Korona ra cuya xo vindî kerdî.
Tewr zêde Îtalya de mergî virazîyenî. Îtalya de heta nika 16 hezar û 523 kesî vîrus ra merdî. 24 saetanê peyênan de 636 kesî merdî û heta nika 132 hezar û 547 kesan de vîrus ame tespîtkerdene. Pêropîya 22 hezar û 837 kesî zî baş bîyî û vîrus ra xelisîyayî.
