Di 4’ê nîsanê de li gundê Barê yê navçeya Çinar a Amedê malek herifî û malbata ku ji 10 kesan di bin xerabeyên xanî de ma. Ji zarokên di bin xerabeyan de man xwişk û bira Guneş (14) û Dîndar Demîroglu (15) jiyana xwe ji dest dabûn.
Li gorî agahiyan, bapîrê zarokan Ahmet Demîroglu yê 65 salî îro di saetên sere sibehê de krîza dil derbas kir. Komên tenduristiyê yên hatin cihê bûyerê û bapîr Demîrgolu rakirin Nexweşxaneya Zanîngehê ya Dîcleyê. Lê tevî hemû mudaxaleyan jî Demîroglu nehat xelaskirin.
Cenazeyê Demîroglu dê li rex gora du neviyên xwe bê definkirin. Hat diyar kirin ku tu nexweşiyekê Demîroglu nebûn û ji ber xemgîniya nevîyên xwe krîza dil derbas kiriye. AMED
