NAVENDA NÛÇEYAN
Konseya Rêveber a KNK’ê Cejna Paskalyayê li Mesîhiyan pîroz kir.
Konseya Rêveber a Kongreya Netewî ya Kurdistanê (KNK) bi daxuyaniyeke niviskî Cejna Paskalyayê li Asûr, Sûryan, Kildan, Ermen û hemû bawermendên Mesîhî yên li Kurdistanê û cîhanê pîroz kir.
KNK’ê bal kişande ser talokeya Covîd-19’ê ya li ser hemû cîhanê û got, ji ber vê vîrûsê Cejna Paskalya weke salên bihurî wê nikaribe bi girseyî were pîrozkirin.
KNK’ê got, ”Di van rojên dîrokî de pîrozkirina Cejna Paskalyayê wê hêzeke mezintir û îradeyeke qewîntir bide têkoşîna li dijî nexweşiyê, ji bo avakirina jiyana bi hev re ya bi aştî û bextewariyê.’’
KNK’ê li dawiya peyama xwe wiha got: ”Em bi dilgermî cejna Paskalya li tevahiya bawermendên Mesîhî û hemû gelên Kurdistanê û tevahiya cîhhanê pîroz dikin. Em hêvî dikin ku ev cejn, bibe sedema serketina tekoşîna li hember nexweşiyê û bibe wesîleya aştiyeke domdar.”
