Çarçeweya tedbîranê Vîrusê Korona (Covid-19) de Cehdeyê Musa Anterî ke pabesteyê qezaya Kayapinarî ya Amedî yo trafîkî rê ame padayene. Ame vatene ke polîs û zabitayî 13ê nîsane ra nata dekewtiş û vejîyayîşê cehdeyî kontrol kenî û tewr peynî dekewtişê cehdeyî bi barîyeran ame padayene.
Hemwelatijê ke cehde ra derbaz benî polîsan rê persan pers kenî û cewabê ‘Cehdeyê Musa Anterî de hûmara vakayanê vîrusî zêde ya û coka cehde trafîkî rê ameyo padayene’ herînenî.
Sewbîna ame zanayene ke semedê ke hemwelatijî verê PTTyî de mesafeyê sosyalî binpay kenî, barîyerê sey kabînî ke tena kesêk eşkeno dekewo ci ameyî ronayene.
Tedbîrê Sûrî dewam kenî
Tedbîrê ke 9 ê nîsane ra nata qezaya Sûrî de ameyî girewtene, dewam kenî. Dekewtişê Berê Koyî, Tekkapi, Berê Çut, Berê Riha û Berê Mêrdînî hema zî qedexe yo û vejîyayîşê taxan de nuqtayê kontrolkerdişî virazîyayî û bi no hawa hemwelatijî taxan ra vejîyenî. Cayê tarîxî yê qeza zî zîyaretan rê ameyî padayene û gêrayîşê bi payan zî hetê polîs û zabitayan ra girîya binê kontrolî. AMED
