Navenda Nûçeyan |
Ciwanên Welatparêz û Jinên Ciwan ên Têkoşer têkildarî êrîşên dewleta tirk ên li dijî Zînî Wartê û Wargeha Mexmûrê daxuyaniyek dan.
Di daxuyaniyê de ciwanan diyar kir ku PDK’ê li hemberî Tevgera Azadiya Kurdistan û gelê Kurdistanê bi dewleta tirk a dagirker re di nav îxaneteke pir mezin de ye û wiha domand: “PDK di dîroka xwe de heta roja me ya îro bi dijminên gelê kurd û Kurdistanê ketiye nava hevpariyê û li hemberî kurdan şer kiriye û xwe firotî ye. Îro jî PDK’ê fermana dewleta tirk a dagirker çûye Zînî Wertê û li hemberî Tevgera Azadiya Kurdistanê bi dijminê kurdan re bûye yek. PDK’ê di çarçoveya planên qirêj a dagirkeriya tirk berê xwe daye Zînî Wertê û ketiye nava îxaneteke mezin. PDK’ê li Zînî Wertê cihê gerîla keşif kiriye û agahî daye dewleta tirk a dagirker. Piştî wî jî herêm ji alî balafirên dewleta tirk a dagirker ve hatiye bombebarankirin.”
Bi domdarî jî ciwanan wiha got: “Bi fermana dewleta tirk a dagirker, PDK ev 9 mehe li ser kampa Şehîd Rûstem Cûdî (Mexmûr) ambargo daniye. Bi ambargoyê re PDK’ê rûyên xwe yên îxanetê dîsa derxistiye holê. Mexmûr ji aliyê balafirên bêmirov ên dewleta tirk a dagirker ve hatiye bombebarankirin. Welatiyên kampê şehîd bûne. Dîsa bomberankirina Zînî Wertê dide diyar kirin ku ev planekî berfirehe û PDK’ê têde dîsa rola îxanetê girtiye.
Îxaneta PDK’ê li hemberî gelê kurd û Kurdistanê her ku li Mexmûr û Zînî Wertê derketibe jî temînata gelê kurd û Kurdistanê gerîlayên Azadiya Kurdistanê ye. Gerîla li hemberî îxanet û dagirkeriyê li her devera Kurdistanê li ber xwe dide. Gerîla hebû û temînata gel û welat e. Divê di serî ciwanên başurê Kurdistanê û hemû ciwan û gelê me bizanibe.
Eger PDK’ê dawî li kiryarên xwe yên îxanetê neyîne ji bo em layiqî vê xaka pîroz bibin em ê erka ku dikeve ser milê dawî li anîna îxanetê û dagirkeriyê li Kurdistanê pêk bînin. Em soz didin dê îxanet û dagirkerî wê tu car li ser xaka Kurdistanê nikare bi kêf û xweşî bimîne. Em ê nehêlin ku li Kurdistanê de yek hênase jî bigirin.
Di serî de bang li hemû ciwan û jinên ciwanên başûrê Kurdistanê û hemû Kurdistanê dikin ku li hemberî îxanet û dagirkeriyê helwesta xwe dayîne û xwedî li Kurdistanê derbikevin. Hûn li ku derêbin û çi ji destê we tê li derê pêk bînin.”
