Merkezê Xeberan]
Parlementerê verên ê Partîya Demokratîke ya Şaran (HDP) yê Colemêrgî Abdullah Zeydan Zîndanê Edîrne de tepişte yo. Dadîya 80 serre ya Abdullah Zeydanî Kaysere Zeydan vizêr dinyaya xo bedilnaye.
Dadîye Zeydane wextêkê dergî ra nata nêweşîya xo ya kronike ra Anqara de nêweşxane de ameyêne weşkerdene. Cenazaya Kaysere Zeydan rîyê vîrusê Korona ra nêerşewîyaye qezaya Geverî ya Colemêrgî û qezaya Mamakî ya Anqara de hetê keyeyê ci ra ameye definkerdene.
Kaysere Zeydan 4ê kanûna 2016î ra nata lajê xo Abdullah Zeydan nêdî û vatêne qey lajê ci teberê welatî de yo. Dadîye Zeydan têna telefon de Abdullah Zeydanî reyde qsiey kerdêne. Dadîye Zeydan verî ke lajê xo bivîna dinyaya xo bedilnaye.
