Kirşehîrî de Zîndanê Tîpa Eyî yeno viraştene. Viraştişê zîndanî hema zî dewam keno. Kirşehîr de 186 karkerê ke înşaatê zîndanî de xebetîyenî şikê Vîrusê Korona ra şantîye de girîyayî karantînaye. Zafaneyê nê karkeran bajaranê sey Amed, Mêrdîn, Wan û Êlihî ra şîyî Kirşehîr û xebetîyenî. Yeno vatene ke 5 karkerî Vîrusê Korona ra vedarîyayî nêweşxane. Karkeran dîyar kerdî ke selahîyetdaran fîrma semedê pawitişê korona ra înan qawişanê şantîye de kerdî karantîna. Karkeran dayî zanayene ke selahîyetdarî înan ewja de terkê mergî kerdî û şertê pakîya şantîye kêm î, banyo û cayê dest şitişêk tena esto. Tewr peynî karkeran dîyar kerdî ke selahîyetdar û şefê înan karantîna de nîyî û waştî ke selahîyetdarî vengê înan bieşnawî. KIRŞEHÎR
