Teyarayanê şerî yê artêşa tirkî saete 04.30 de koyê Ehmedî yê Zînî Wertê û dewa Zergelê ya Qendîlî bombardûman kerdî. Netîceyê kombîyayîşê şarê Şawrê, Zînî Wertê, dewa Pilingan, Herêma Raperînî û pêro dewanê Zînî Wertê de çend birî gêrîyayî û sey eşkerayîyêke pêşkêşê PDKyî kerdî.
Nameyê roniştoxanê herême ser o Kosret Xidirî eşkerayîye wende: “Waştiş û nêrazîbîyayîşê şarî ser o kombîyayîşê 19ê menge de vînayîşê şarî ameyî girewtene û şarî qenaat kerd ke estbîyayîşê pêro hêzan ê xerîban bîyî sebebê qesawetan û îhtîmalê şerê zereyî.”
Eşkerayîye de şarê herême çend waştişê xo pêşkêşê hêzan ê çekdaran ê PDKyî kerdî. Waştişê şarî wina yê:
* Ganî pêro hêzê çekdarî Zînî Wertê ra xo apey biancê û wextêkê kilmî de rewşa herême sey verê vîrusê Korona biba.
* Eke madeya yewine nêra caardene, roniştoxê herême do nêrazîbîyayîşê xo bimojnê û nê hezanê çekdaran mecbûr bikerê ke herême ra xo biancê.
Şarê herême nê tewirî bingeyê aştîya komelî û pawitişê herêmî ser o mojneno. Şarê herême pê tehlukeyê pêkerdişanê leşkerî û komployanê îstîxbaratî hayîdar o.
