Mustafa Koçako ke pê waştişê ‘hukmkerdişê adîlî’ 297 rojan ra nata Zîndanê Şakranî de rojeyê mergî de bi, dinyaya xo bedilnaye. Koçakî rê pê şahîdîya ‘şahîdê/a nimitkî/ye’ cezaya muebede ya girankerde amebî dayene. Wefatê Koçakî, hetê Buroyê Huqûqî yê Şarî ra twitter de dîya zanayene.
Buroyê Huqûqî yê Şarî derheqê Koçakî de nê çîyî vatî: “Muwekîlê ma Mustafa Koçak roja 297. ya rojeyê xo yê mergî de şehîd bîyo. Mustafa seba huımkerdişê edîlî pê xoverdayîşî ver bi bêmergîye şi. Bizanê ke dewlete seba ke şahîdê ci mehkeme de goştarî nêkera Mustafa kişt. Ma verê vîrameyî ey de sereyê xo anê war.”
Waka Mustafa Koçakî Ayşe Koçak zî vizêr hesabê xo yê medyaya komelkî ser o vîdeoyê vengê telefonê Mustafayî pare kerd. Ayşe Koçak vatbi: “Pêvînayîşê ma yê bi telefonî temam nêbi. Birayê mi vat ke o hînî nêeşkeno nefes bigêro û qisey bikero. Ma gêrenê îdareyê zîndanî la vanê ma rê û avûkatanê ey rê zanayîş do nêdê. Mustafa birayê ma yo. Ma do destê şima de ey nêverdê. Ez Wezaretê Edaletî ra persena: Şima pabeyê mergê Mustafa yê? Şima çira dosya nêqefilnenê? Hînî destê xo birayê mi ser o biancê. Bîlasebeb merdiman hekm mekerê.” ÎZMÎR
