Merkezê Xeberan]
Rayvanîyêko zor û zehmet, têkoşînê ma cinîyan dewam keno. Ma rayvanîya xo bi paştîdayîşê cinîyanê girdan kenî, cinîyan verik kenî û rayîrê xo ra şonî. Kitab mabenê ma cinîyan de, seba hetê xo yê ke ma nêvînenî de beno pir. Kitab ma tewrê cuya ke ma înenî keno. Bi no hawa cuya ma weş bena û ma rayîrê xo de raşt rayîr şonî.
Jinnewsî seba no hewte zî 5 kitabanê cinîyan pêşnîyarê wendoxan kerd. Kitabê no hewte de ma cinîyanê bi hêzan şinasnenî û ma seruvenê înan de xo vînenî.
Berpirsîyarî û hukm
Hannah Arendt serê çekuyanê berpirsîyarê û hukm, felsefeya ehlaq, berpirsîyar, heqîqet û sucê kolektîf de vindena. Çîyê ke yenî cuyayene zî analîz kena.
Damizlik Kizin Oykusu
No romanê Margaret Attwoode yo. No roman hetê femînîstîya xurt yê dîstopya gêno dest û ameyoxê bîyaye yê cinîyan xêz keno. Badê ke rayîrberî girîyena binê kontrol heme heqê cinîyan dest ra yenî girewtene û kincê goreyê rolanê xo xora danî û no zî kamîya înan temsîl keno.
Krîzantemler
No romanê John Steinbacke yo. Steînbacke romanê xo de kismêk cuya merdiman girewta dest û rolê cinsîyetê komelî ke serê komelî de ameyo ferzkerdene pêşkeşê wendoxanê xo kena.
Mor Yillar
No romanê Alîce Walkere yo. Alîce Walkere romanê xo de qala hîkayeyê cinîyanê sîyayan yê ke serra 1930î de wextê nîjadperestî, zext û zorîdarîya hemverê sîyayan de ameyî cuyayene, pêşkeşê wendoxan kena.
Bakir Seslî Kadinlar
No romanê Rojbîn Perîşane yo. Rojbîn Perîşane kitabê xo de bi ziwanêko edebî qala cinîyan kena.
