Stêrk TVyî heta nika kalîteyê standartê îrtîbatî yê peykê DVB-Ş (Digital Video Broadcasting-Satellite) de weşane kerdêne. Goreyê eşkerayîya televîzyonê kurdî seba kalîteyêkê holêrî yê veng û dîmenî 1ê gulane ra dima vurnayîşêk do bêro kerdene û derbazê standartê weşane yê DVB-S2î bibo.
Stêrk TVyî venga seyrkerdoxanê xo kerd ke 1ê gulane ra dima pê kumandaya xo tay vurnayîşan bikerê. Seba seyrkerdişê kalîteyê neweyî yê weşane yeno pêşnîyazkerdene ke pê kumanda menuyê televîzyonî de eyarê Stêrk TVyî bêrê vurnayene. Goreyê naye çîyo ke ganî bêro kerdene no yo ke debikewê eyaranê peykî yê menuyê televîzyonî, uca de eyarê DVB-S biweçînê. Dima ke eyaro newe ame qeydkerdene kalîtêyê neweyî yê veng û dîmenî seyr bikerê. BRUKSEL
