Meclîsa Gel a Xanesorê êrîşên dewleta Tirk yên li ser başûrê Kurdistanê şermezar kir û diyar kir ku ew piştgiriyê didin banga Rêberê Gelê Kurd Abdullah Ocalan ya ji bo yekîtiya Kurdan.
Meclisa Gel a Xanesorê ya Şengalê têkildarî êrîşên dewleta tirk ên li ser başûrê Kurdistanê û banga Rêberê Gelê Kurd Abdullah Ocalan a ji bo yekitiya kurdan li ber avahiya meclisê daxuyaniyek da.
Daxuyanî ji hêla hevserokê Meclisa Gel a Xanesorê Dexil Mirad ve hat xwendin. Mirad di daxuyaniyê de bi bîr xist ku dema sê gerîla ji bo çareseriya pirsgirêka li Zînî Wertê hevdîtin kirin, di encama êrîşên balafirên dewleta tirk de hatin qetilkirin. Mirad piştre jî bal kişand ser banga Ocalan a ji bo yekitiya kurdan û destnîşan kir ku ew piştgiriyê didin vê bangê û divê kurd pirsgirêkên xwe bi rêbaza diyalogê çareser bikin.
Herî dawî jî Mirad daxuyand ku dê êrîşên dewleta tirk bê encam bimînin û ew jî dê heta serkeftinê têkoşîna xwe berdewam bikin. ŞENGAL
