Çewlîg de bi rojan o ke verê PTTyî de rêza sixletî esta ke goreyê tedbîranê vera vîrusê Korona nîya. Hemwelatijî vera naye nêrazîbîyayîş ramojnenê û vanê ke ê feqîran tim ha kaş a (sey her wextî tim feqîrî tengayî ancenê).
Hukmato ke şar kerd o feqîr û qesran de saltanatê xo rayra beno binê nameyê hetkarîye de anorê şarî şikneno û aşma rojeyê Remezanî de şarî rê îşkence keno. Seba ke faturaya ceyranî de hetkarîyêka şenike yena dayene şarê Çewlîgî bi rojan o binê rîskê Korona de û aşma rojeyî de verê PTTyî de payra yo. Îdarekarê hukmatî û yê Çewlîgî yê ke heta şan xo wasifenenê vanê ma mirde, girde û janê Korona binê kontrolî de yo, na rêza ka eybê înan a nêvînayîşî ra yenê. Hemwelatijê ke vera nê pawitişî hêrsê xo anê ziwan vanê ke ê hem rojeyê hem zî rîskê Korona esto la mecbur tîya pawenê ke fatûra binê kême bidê. Îqtdarê AKPyî yê 18 serran o ke kaseyê zengînan kerdî de feqîrî zî senî ke na rêze de eyseno nane rê muhtac kerdî. ÇEWLÎG
