Serekê Komeleya Nêweşîyê Enfeksîyonî û Musnoxê Nêweşîyê Enfeksîyonî yê Domanan yê Unîversîteya Hacettepeyî Prof.Dr. Mehmet Ceylan derheqê tehbîrê janê Vîrusê Korona (Covid-19) û akerdişê cayê karî yê sey kuafor û AVMyan de nêrazîbîyayîşê xo nîşan da û serê hezabê xo yê Twîtterî de eşkerayî da.
Prof.Dr. Mehmet Ceylan eşkerayîya xo ya serê Twîtterî de wina va: “Welatê ma de nizdîyê 400 hezar nêweşê janê vîrusî yê nimite estî û ferqê janîî de nîyî. Nê kesî bi asanî eşkenî vîrus vilayê dorme bikerî. Nê rojanê ke merdim zêde yenî têhet de rîskêk zêde esto ke no vîrus vila bibo. Xizmetkarê weşîye, garson, kasîyer, berber, şoforê otobusan, xebatkarê otelan û endamê Merkezê Herînayîş û Rotişan (AVM) ganî tesilî bêrî testkerdene û aye gore dest bi xebatî bikerî. Ganî kesê ke bi înan de vîrus bivejîyo zî bigirîyî karantîna.” ANQARA
