Navenda Nûçeyan |
Di 7’ê gulanê de li bejahiya Korê ya Semsûrê di navbera gerîlayên HPG’ê û hêzên artêşa tirk de şer derket. Li hêla din jî dewleta tirk herêm bi balafirên şer bombebaran kir. Di encama şer û bombebaranê de sê gerîlayan jiyana xwe ji dest dan.
Ji cenazeyên gerîlayan ên Zeynel Alakuş û Gafarî Yorulmaz hatin definkirin. Malbatan cenazeyên zarokên xwe di roja çarşemê de ji Saziya Tipa Edlî ya Meletiyê wergirtin. Lê belê şaredariyê ji bo ku malbat cenazeyên xwe veguhêzin wesayît nedan malbatan.
Li ser vê yekê malbatan bi wesayîtên ji fîrmayeke taybet a ji Amedê, cenaze veguhestin. Leşkerên tirk her wiha nehiştin ku cenaze beriya bên veşartin, bên şûştin. Li hêla din dewleta tirk nehêla ku ji bilî 5 kesan tev li merasîma definkirinê bibin.
Cenazeyê Alakuş li gundê Tolmez û cenazeyê Yorulmaz jî li gundê Gomikê hatin definkirin.
