Çalakiyên hêzên gerîla yên li bakur û başûrê Kurdistanê li dijî dewleta tirk bênavber didomin. Têkildarî çalakiyên dawî Navenda Ragihandin û Çapemeniyê ya HPG’ê daxuyaniyek bi raya giştî re parve kir.
Daxuyaniya HPG’ê wiha ye:
“Di 14’ê gulanê de di çarçoveya Pêngava Şoreşger a Şehîd Bager û Şehîd Ronya de li dijî artêşa TC’ê çalakî hatin kirin. Di vê çarçoveyê de;
Hêzên me saet di 08.00’an de li Çelê ya Colemergê li dijî kozik û stareyên qereqola Girê çalakî kirin. Kozik û stareyên wan dane ber guleyan, di vê çalakiyê de hejmara leşkerên mirî û birîndar nehatiye tespîtkirin.
Hêzên me saet di 09.00’an de li Girê Koordîne ya Çelê li dijî artêşa TC’ê ya dagirker çalakî kirin. Di çalakiyê de derbên serkeftî li kozik û stareyên dijmin hatin xistin. Hejmara kuştî û birîndarên dijmin nehat tespîtkirin. Piştî çalakiyê artêşa TC’ê qada Cîlo ya Biçûk a herêma Zapê bi balafirên şer bombebaran kir. Di vê bombebaranê de hevalê me Bawer şehîd bû. Agahiyên nasmayê yê hevalê me yê şehîd wiha ye;
Nasnav: Bawer Dengda
Nav Paşnav: Fesîh Sinbag
Cihê Bûyinê: Amed
Navê Dê û Bav: Raîfe – Mehmet Şîrîn
Dirok û Cihê Şehîdbûnê: 14’ê gulana 2020’an / Zap
Operasyona li Dêrsimê
Artêşa TC a dagirker di 12’ê gulanê de li geliyê Akfanûs ê Dêrsimê dest bi operasyonê kir. Heman rojê balafirên şer ên artêşa TC a dagirker bombe li qadê barandin. Ev operasyon heman rojê bi rengekî bêencam bi dawî bû.
Kuştina Şîmonî û Hurmuz Dîrîl
Tê zanîn ku Şîmonî û Hurmuz Dîrîl ên keldanî yên ji gundê Mehrê di 11’ê çileyê de winda bûn. Têkildarî vê bûyerê; roja bûyerê ev her du welatiyên sivîl ji aliyê 3 kesên ku li herêmê karê kontratiyê dikirin hatin revandin, qetilkirin û cenazeyên van welatiyên sivîl avêtin çemê Hêzilê.
Dewleta tirk a dagirker, ev komkujiya ku ji aliyê kontrayên wan ve hate kirin, îdia kir ku ji aliyê hêzên me ve hatiye kirin û hewl da ku vê kiryara li dijî mirovahiyê binixumîne. Tevgera me li Kurdistanê di şer de ti carî mirovên sivîl ên bêguneh nekir hedef. Hedefa me timî hêzên dijmin û yên ku êrîşê dibin ser nirxên gelê me ne. Êrîşa li dijî keldaniyan ku gelekî qedîm e, zîhniyeta faşîst a dewleta TC a dagirker careke din raxistiye pêş çavan. Ev zîhniyet û zîhniyeta DAIŞ’ê yek e ku bi êrîşên namerdane yên li dijî gelên qedîm ên li herêmê re vê yekê careke din nîşan dide. Ev bûyera ku ji aliyê dewleta TC a dagirker ve bi taybetî hate plankirin, bi rêya medyaya şerê taybet weke ku PKK’ê kiribe hate pêşkêşkirin. Çeteyên artêşa TC a qirker bi zanebûn û rêxistinî êrîşan dibin ser gelê welatparêz. Hesabê vê komkujiya namerdane ya ku ji aliyê kontrayên dewleta TC a faşîst ve hatiye kirin wê bi rengê herî giran bê pirsîn. Li ser vê bingehê em ji malbata Şînonî û Hurmuz Dîrîl ên şehîd bûn û tevahiya gelê keldanî sersaxiyê dixwazin.
Bombebaran
Balafirên şer ên artêşa TC a dagirker di 11’ê gulanê saet di 16:30’an de qadên Şehîd Şahan û Şehîd Botan ên herêma Xakurkê ya Herêmên Parastinê yên Medyayê bombebaran kirin. Ji ber vê bombebaranê tiştek bi hêzên me nebû.” BEHDÎNAN
