Talan û wêrana dewleta tirk a li bakurê Kurdistanê bênavber didome. Dewleta tirk ku bi rêya bendav, HES û rêyên cur bi cur çav berdaye dîrok û xwezaya Kurdistanê, niha jî bi hinceta qereqolan dar û barê Kurdistanê tune dike. Di vê çarçoveyê de ev nêzî 2 meh in ku li herêma Çiyayê Cûdî li deverên qaleqol lê hene leşker bi cerdevanan daran didin birîn. Bi taybet jî li derdora Gundikê Remo, Gilindor û Nêvavayê rojê 100 ton dar tên birîn.
Derket holê ku darên ku tên birîn tona wan bi 360 lîreyan tên firotin. Hat hînbûn ku carê 11-12 ton dar li qamyonan tên barkirin û wan dibin bajarên Riha, Semsûr û navçeya Serêkaniyê.
Têkildarî birîna daran nûçegihanên MA’yê bi telefonê li Midûriyeta Daristanan a Şirnexê geriya û midûriyetê qebûl kir ku dar ji bo berfirehkirina qaleqolan tên birîn. ŞIRNEX
