Navenda Nûçeyan |
Li rojavayê Kurdistanê ji bo ku yekitiya kurdan bê avakirin 25 partî û tevgerên siyasî di bin navê ‘Partiyên Yekitiya Niştimanî ya Kurd’ de sîwanek ava kirin.
Daxuyaniya têkildarî mijarê wiha ye:
“Ji ber rewşa hestyar a ku Sûriye û herêm bi temamî tê re derbas dibe, ji ber girîngiya hevdîtinên di navbera partiyên siyasî û hêzên kurdî de û ji bo biserxistina destpêşxeriya Fermandarê Giştî yê Hêzên Sûriyeya Demokratîk (HSD) a der barê yekrêziya kurdan û yekkirina helwesta siyasî ya kurdî li rojavayê Kurdiatnê de, me partiyên siyasî yên Rêveberiya Xweser a Demokratîk û hin partiyên li derveyî rêveberiyê, di 18.05.2020’an de civînek li Qamişloyê lidar xist û ev biryar dan;
* Li ser navê ‘Partiyên Yekitiya Niştimanî ya Kurd’ em ê xebatên hevbeş bimeşînin û pêşveçûnên heyî yên der barê yekrêzîya kurdî de bişopînin ku karê şopandinê jî dê bikeve ser milên nûnertiyeke me ya nûavakirî.
* Me logoyek ji bo Partiyên Yekitiya Nîştimanî ya Kurd bijart.
* Wê bi berdewamî civînên nûnerên van partiyan bên lidarxistin da ku nêrînên cuda yên der barê pêşveçûn û bûyerên nû de bên raberkirin û nîqaşkirin.”
Partî û saziyên ku di bin sêwana Partiyên Yekitiya Niştimanî ya Kurd de hatine ba hev wiha ne:
– Partiya Aştiya Demokrat a Kurdistanê
– Partiya Yekitiya Demokratîk (PYD)
– Kongreya Star
– Partiya Demokrat a Kurdî ya Sûrî (P.D.K.S)
– Partiya Kesk a Kurdistanê
– Partiya Çep a Demokrat a Kurd li Sûriyeyê
– Partiya Çep a Kurd li Sûriyeyê
– Partiya Lîberal a Kurdistanê
– Partiya Biratî ya Kurdistanê (PBK)
– Partiya Niştimanî ya Kurdî li Sûriyeyê
– Partiya Guhertina Demokrat a Kurdistanê
– Tevgera Nûjen a Kurdistanê-Sûriye
– Partiya Têkoşîna Demokrat
– Partiya Azadî ya Kurdistanî ya Azad
– Partiya Yekitiya Niştimanî ya Azad – Rojava
– Partiya Komarî ya Kurdistanî – Sûriye
– Tevgera Çaksaziyê-Sûriye
– Partiya Komunîst a Kurdistanê (KKP)
– Partiya Roj a Demokratîk li Sûriyeyê
– Şepêla Pêşeroj a Kurdistanê – Partî Demokratî Kurdistanî – Sûriye
– Yekitiya Karkerên Kurdistanê (YKK)
– Partiya Kombûna Niştimanî ya Kurdistanî
– Partiya Rêkeftina Demokrat a Kurdî li Sûriyeyê
– Partiya Demokrat a Kurd li Sûriyeyê (Partî)
