Merkezê Xeberan]
Deyîrbaza kurde Nûdem Durake serra 2015î ra nata tepişte ya û ci rê cezaya zîndanî ya 19 serran ameye dayene. Sûcê aye bi kurdkî vatişê deyîran o. Nûdeme 32 serre ya û Zîndanê Bayburtî de tepişte ya. Seba ke Nûdeme Durak bêra veradayene merkezê Fransa de kampanyayêka mîyanneteweyîye dîyaye destpêkerdene. Çarçewa kampanya de Fransa, Îngilîstan, DYA, Swêd, Senegal, Fas, Cezayîr, Tunus, Goudeloupe û xeylêk welatan de vengê paştdayîşî ame berzkerdene.
Kesanê namdaran ê sey Angela Davis, Noam Chomsky, Ken Loach, David Graeber, Peter Gabriel, Roger Waters seba azadîya Nûdeme veng da. Fîlozofê ekososyalîstî yê fransiz-brezîlyayîjî Michael Lowyî vat rewşa Nûdeme nêna qebulkerdene, no heqaret o û vat: ”Seba aye pêro dinya de Paris, New York, Rio, Santiago, Berlin de qirîya serewedaritişî do biba berz.”
Kampanyaya bi nameyê ”Free Nûdem Durak” facebook, twitter, instagram û youtube de yena caardene.
