Dadgeha ji 18 siyasetmedar kurd û aktivîstên jin ên hatin binçavkirin jê 12 kes girtin û şandin girtîgehê.
Li Amedê di 22’ê Gulanê de bi fermana Serdozgeriya Komarê ya Amedê di navde rêveberên Komeleya Jinan a Rosa, aktivîstên Tevgera Jinên Azad, Dayikên Aştiyê û rêveberên KCD; HDP û BDP’ê jî di navde 18 kes hatin binçavkirin. Ji kesen hatin binçavkirin piştî li midûriyeta polîsan lêpirsîna wan hatin kirin sewqî dozgeriya Amedê kirin. Dozgeriyê jî 14 kes bi daxwaza girtinê sewqî dadgehê kirin. 4 kes jî bi şertê kontrola edle sewqî dadgehê kir.
Dadgehê ji 18 kesan Aktîvîsta TJA’yê Zelal Bilgin, Rêvebera Komeleya Jinan a Rosa Ayla Akat Ata, Endama Meclîsa şaredariya Yenişehirê Nevriye Çur, Nazire Tursun û Endama Melîsa Şaredariya Rezan Huseyin Harman bi şertê kontrola edlî serbest berdan. Endama Meclisa Dayikên Aştiyê Havva Kiran jî bi şertê kontrola edlî berdan û cezayê hepsa malê dan wê.
Dadgehê der barê Seroka Komeleya Jinan a Rosa Adalet Kaya, rêvebren Komeleyê Narin Gezgor Fatma Gultekin, aktîvîstên TJA’yê Gulcihan Şimşek, Hevserokê DBP’ê yê berê Mehmet Arslan, Endamê Navenda HDP’ê Ozlem Gunduz, Hevseroka HDP’ê ya Navçeya Yenişehirê Remziye Sızıcı, Endama Melîsa Şaredariya Rezan Gonul Aslan û Veysi Kuzu, Endama Meclîsa Şaredariya Amedê Sevim Coşkun, Endamê HDP’ê Mehmet Ali Altınkaynak, endamê DBP’ê Celal Yoldaş de biryara girtinê da û şandin girtîgehê. AMED
