Federasyonê Komeleyanê Paştdayîşê Keyeyanê Tepişteyan û Hukumwerdeyan ê MEDî (MED TUHAD-FED) pê wesîleya Roşanê Remezanî eşkerayîyêke daye û roşanê her kesî fîraz kerd û bale ante binpaykerdişê heqanê tepişteyan ser.
Eşkerayîye de wina ame vatene: ”Ma pê wesîleya Roşanê Remezanî teyna îfade kenê ke ewro rixmê gefê vîrusê Korona zî tepişteyê sîyasîyî zîndanan de yê. Sere de Zîndanê Îmraliyî de pêro zîndananê bînan de binpaykerdişê heqan ê cîdîyî estê. Zîndanan de pê aktîvîteyê komelkîyî ameyî vindartene û heqê pêvînayîşê telefonî ame wedaritene. Ganî cade na bêhuqûqî û cîyakerî bêra qedînayene. Ma derheqê babete de venga Wezaretê Edaletî danê ke mesuldarîya xo bîyaro ca. Ma venga pêro rayaumûmîya demokratîke û kesanê biwijdanan danê ke paştî bidê tepişteyanê sîyasîyan.” AMED
