Kongreya Komela Demokratîke (KCD) pê wesîleya Roşanê Remezanî mesajêk weşana û roşanê pê alemê Îslamî û şarê kurdî fîraz kerd. Mesajê KCDyî wina yo:
”Ma roşanê Remezanî yê alemê Îslamî û şarê xo fîraz kenê û wazenê ke roşan bibo wesîleya haştî, aramî û demokrasîyî. Menga Remezanî de zî bêhuqûqî, binpaykerdiş û mergî qet nêvindertî. Destbendkerdiş û tepiştişê kurdan Mega Remezanî de dewam kerd û keno.
Na menga fîraze de hûmara xizanan zêdîyayî. Kesê ke seba îdeolojîyanê xo rojeyê mergî de bîyî heyf ke merdî. Hema zî tay kesî rojeyê mergî de yê. Ganî waştişê înan bêrê caardene. Seba ke şarê ma kaosî ra bixeliso ma mil bi mil têkoşîn bikero. Tehlukeyê janî zî hema dewam keno. Ma pê wesîleya roşanî venga şarê xo bidê ke goreyê mesafeya komelkî têbigêrê, zîyaret, mewlud û werdê komkî ra xo dûr bigêrê.
Ma wazenê ke Roşanê Remezanî têna pê pêşnîyazan nê pê pratîkan zî bêro fîrazkerdene. Seba ke ma armancanê xo bîyarê ca ma qerardar ê ke têkoşînê xo dewam bikerê.” AMED
