Leşkeran dewa Şemsê ya Qezaya Heskîfî ya Êlihî de ewil goristan bi wesayîtê zirxî xira kerdî. Leşkeran badê ke gorsitan xira kerdî verê xo dayî tirbêk tarîxî. Tirbe rijnayî û beyraqa tirkî daliqnayî darê mîyanê goristanî ser o. Leşkeran hewteyo verêne goristan rijnayîbî û zerar dabî goristan û mezelan. Leşkerî reyna Tirba Şêx Îbrahimî ke hetê şarî ra sey tirbêk bimbarek yena zanayene xira kerdî û beyraqa tirkî daliqnayî serê na tirbe. Dewijê ke verê qedexeyê tebervejîyayîşê kuçeyan waştî tirbe zîyaret bikerî dîyar kerdî ke ê wexto ke şîyî goristan û Tirba Şêx Îbrahimî zîyaret kerdî, vînayî ke tirbe û goristan ameyî rijnayene û beyraqa tirkî daliqîyaya serê tirbe û daranê mîyanê goristanî ser o.
Hemserekê Şûbeyî yê MEBYA-DERî Ahmet Yaşarî dîyar kerd ke roja arîfeya roşanî tehemmul nêkerdî goran û wina va: “AKP xo dîndar dano şinasnayene. La tehemmul nêkerd gorê kurdan û kesê oldaran. AKP tehemmul nêkeno tarîx û kulturî. Tu îtîrazêk na rewşe çin o. Seba ke ê kurdî heriş yenî kerdene. Ma sey MEBYA-DERî hêrişan qebul nêkenî û ma do muracatê rayîr û raybazanê huqûqî û qanûnî bikerî.” ÊLIH
