Şubeyê Anqara yê Komeleya Elewêyê Demokratîke (DAD) derheqê Qirkerdişê Çorumî de eşkerayîyêke daye û serrgêra 40. de qurbanî yad kerd. Eşkerayîye de ame vîrvistene ke 27ê gulana 1980î de pê sloganê ”Pê gonîya qesasî-gonîya ma birija zî serkewtiş do ê Îslamî bibo” Çorum de binê çimdarîya dewlete de hêriş dest pêkerdî.
Eşkerayîye de wina ame vatene: ”Çorum de tim têmîyanîye estbî, şarê Çorumî û hêzanê çepgîran heta 1ê temmuze tay cayan de cera hêrişan têkoşîn kerd û pê xoverdayîşî cewab da. Heta 2ê temmuze wextê îlankerdişê qedexeyê teberî xo ver da. 2ê temmuze de şarî rixmê qedexeyan eşt keyeyanê elewîyan ser û çepgîrî qetil kerdî.”
Eşkerayîye de ame parekerdene ke netîceya serebûtan de 57 kesî merdî û 300 kesî zî birîndar bîyî. Eşkerayîye de wina ame vatene: ”Oyo ke serra 1980î de Çorum de qewimîyayo, bêguman qirkerdişêk bi ke binê çimdarîya dewlete de ame kerdene.”
Eşkerayîye de qurbanîyê Qirkerdişê Çorumî bi rêzdarî ameyî yadkerdene. ANQARA
