Binpêkirinên dewleta tirk û çeteyên wê yên li Efrînê yên weke talan, wêranî, dizî, revandin, îşkencekirin, tacîz, tecawiz û koçberkirinê bênavber didomin. Di çarçoveya van binpêkirinan de komên çete careke din welatiyên sivîl revandin.
Li gorî agahiyên ji Efrînê, koma çete ya Ferqet El Hemzat ku girêdayî dewleta tirk e, di dîrokên cuda de 11 jin revandin ku di nava wan jinan de jinên êzdî û ereb jî hene.
Çavkaniyên ji Efrînê têkildarî mijarê agahî dan û li gorî agahiyan navên çend jinên li Efrînê hatine revandin wiha ne: “A.H. (21) ji gundê Kîmar ê Şêrawayê ye û di sala 2020’an de hate revandin, R.M. ji gundê Coqa yê Mabatayê ye û di sala 2018’an de hate revandin, H.C. ji pêkhateya ereb e û di sala 2018’an de hate revandin, M.C. (16) ji gundê Îska yê Şêrawayê ye.” EFRÎN
