Navenda Nûçeyan |
Şewba vîrûsa koronayê (Covîd-19) hema hema li temamiya cîhanê belav bûye. Li gorî daneyên fermî, heta niha zêdetirî 6 milyon û 200 hezar kes bi şewbê ketine. Di heman demê de 371 hezar kes jî bi şewbê mirine. Lê belê tê gotin ku li gelek welatan testên tespîtkirina şewbê kêm tên kirin û ji ber vê jî bîlançoya rast, ji ya tê gotin gelek zêdetir e.
Li hêla din jî hejmara kesên bi şewbê ketin û piştre baş bûne jî zêde dibe. Heta niha herî kêm 2 milyon û 500 hezar kesên bi şewbê ketin baş bûne. Yek ji welatên herî zêde ji şewbê bi bandor bûye, Amerîka ye. Li Amerîkayê heta niha 800 hezar kes bi şewbê ketine û ji van 105 hezar û 575 kes pê mirine.
Di heman demê de li Îtalyayê 33 hezar û 340, li Brezîlyayê 28 hezar û 834, li Fransayê 28 hezar û 771 û li Spanyayê jî 27 hezar û 125 kes bi şewba koronayê mirine.
Hate diyarkirin ku herî zêde li Ewropayê mirov ji ber koronavîrusê mirine.
