Taxa Kanîtahtî ya qezaya Kanîreşî ya Çewlîgî de Kamyona ramitox Şukru Kiliçî qeldîyaye gola kişta rayîrî. Netîceya qezayî de 4 kesî birîndar bîyî û 150 heywanî zî telef bîyî. Birîndarî pê ambulans wedarîyayî nêweşxane. Kamyone gole ra ameye vetene.
Babîyê ramitoxî Îlhamî Kiliçî da zanayene ke meşneyî aîdê înan nîyê û vat: ”Kamyone de 150 meşneyî estbî, pêro telef bîyî. Kamyone zî qeldîya, tira çîyêk nêmendo. Ma bîyî mexdûr.” ÇEWLÎG
