Hovîtiya dewleta tirk û komên çete yên girêdayî wê yên li Efrînê li dijî şêniyên resen bênavber didome. Rojane di serî de jin, welatiyên Efrînê tên revandin, îşkencekirin û qetilkirin. Têkildarî mijarê Rêxistina Mafên Mirovan a Efrînê bi daxuyaniyekê ragihand ku cenazeyê jina bi navê Melek Nebî Xelîl li zeviyên gundê Fêrziyê yê rojhilatê Ezazê hatiye dîtin.
Çavkaniyên ji herêmê da zanîn ku Melek Nebî Xelîl 16 salî ye û ji gundê Derwîş ê navçeya Şêrawa ya Efrînê ye. Çeteyên dewleta tirk ên koma bi navê Nuxbê ya girêdayî çeteyên Firqet Sûltan Mûrad, di 23’yê gulanê de Xelîl revandibûn.
Beriya çend rojan jî dîmenên jinên çeteyên Firqet Hemzat ên revandina û di girtîgehên li kantona Efrînê ya dagirkirî de îşkence dikin li ser malperên civakî hatibûn belavkirin. Dewleta tirk a dagirker li Efrînê li pêş çavê civaka navneteweyî sûcên li dijî mirovahiyê dike lê belê hemû hêzên navdewletî li dijî vê hovîtiyê bêdeng in. EFRÎN
