Navenda Nûçeyan |
Êrîşên dewleta tirk ên li dijî berhemên çandiniyê û malên sivîlan ên li rojavayê Kurdistanê bênavber didomin. Di vê çarçoveyê de dewleta tirk û çeteyên wê çend kêlî beriya niha malên sivîlên gundê Leylan ê li başûrê rojavayê navçeya Til Temirê ya li ser rêya M4’ê şewitandin.
Di heman demê de hêzên dagirker çend roj berê li gundewarên rojavayê Til Temirê yên li ser rêya M4’ê gelek zeviyên çandiniyê yên li nêzî baregeha xwe ya leşkerî ya li Til Amiriyê şewitandin. Şewata ku li gelek gundan belav bûy, ziyaneke mezin gihand malên sivîlan.
Her wiha leşkerên dewleta tirk a dagirker û çeteyên wê ji bajaroka Mariyê ku baregehên xwe lê ava kirine, zeviyên çandiniyê yên gundê Herbel ê navçeya Ehrisê yê kantona Şehbayê dan ber agir. Şewata li gund hê jî didome.
