Babîyê Zeynebe Celalîyan Elî Celalîyanî derheqê rewşa aye de Torra Heqanê Merdiman a Kurdîstanî (TMMK) reyde qisey kerd. Elî Celalîyanî da zanayene ke vizêr ey kênaya xo reyde pê telefonî qisey kerd û Zeynebe ci rê vat ke çend tepişteyan reyde a zî pê Vîrusê Korona kewte û hema zî tengîya nefesê ci dewam kena. Doktorê zîndanî ci rê îfade kerd ke jan pêro pişika aye de vila bîyo û xîret yeno kerdene ke pê dermanan îltîhabê pişike bêro kontrolkerdene.
Elî Celalîyanî waşt ke kênaya ci cade bêra berdene bi nêweşxane û bêra weşkerdene.
Elî Celalîyanî verê cû zî TMMKyî reyde pare kerdbi ke hêzanê rejîmê Îranî kênaya ci nişka ra Zîndanê Xoyî ra berde Zîndanê Qerçekî yê şaristanê Tehranî.
Sebebê tepişîyayîşê Zeyneb Celalîyane nêna zanayene la babî Elî Celalîyan vatbi ke derheqê Zeynebe de Mehkemeya Cezaya 10. ya Tehranî de dewayêka newe ameye akerdene. Heman wextî de Zeyneb Celalîyane zî dabi zanayene ke hayîya ci pê sebebê dewa çin a.
