Walîtîya Dêrsimî bire dabi ke Çimeyê Munzurî seba înşaatan bêrê pêşkêşkerdene. Çimeyê Munzurî bawerîya elewîtîya Dêrsimî de fîraz ê. Vera bira walîtîye nêrazîbîyayîşî dewam kenê. Hemwelatîyê dewa Zîyaretî pare kerd ke ê do destûr nêdê înşaatê çimeyan.
Dewijan ra Fatma Aydogdu vat: ”Ma do nêverdê kepçeyan zîyaretgehê ma birijnê. Wa destê xo nêdê Munzurê ma.”
Dewija bîne ya bi nameyê Hacere Çelîk vat: ”Ma do heta peynî xo ver bidê. Tîya cayê îbadetê ma yo. Ma her hewte tîya de loqma vila kenê, nîyazê xo anê ziwan. Tîya cayê turîzm nîyo, cayê bawerîya ma yo. Ma do nêverdê çew destê xo bido nê cayî. Eke hewce bibo ma do xo bierzê verê kepçeyan. Ma şewe û roje tîya de manenê la nêverdenê txrîb bibo. Ma tîya de çirayanê visnenê ta, nîyaz kenê, ma menga Xizirî de tim yenê tîya.”
Dewijanê ke her roje vera texrîbatî yenê Çimeyanê Munzurî de kom benê, vat: ”Ma nêverdenê ne kepçe ne zî tuwerzîn bikewê tîya. Ma vera nê projeyî yê.” DÊRSIM
