HATAY |
Meclîsa Jinan a Partiya Demokratîk a Gelan (HDP) ya Hatayê, bi şîara ‘Têkoşîna Jinan Li Her Derê Ye’ li navçeyên Erzîn, Dortyol û Payasê yên Hatayê daxuyanî dan çapemeniyê. Jinan pankartên ‘Li dijî îstîsmar, înfaz û qeyûman em hene. Têkoşîna jinê li her derê ye’ vekirin. Li Erzînê Rêvebera HDP’ê ya navçeyê Hazal Arica, li Dortyolê Rêvebera HDP’ê Yuksel Narîn û li Payasê jî Hevseroka HDP’ê ya Hatayê Aysel Eşîyok daxuyanî dan çapemeniyê. Jinan di daxuyaniyê de diyar kirin ku mafên ku wan bi têkoşînê bi dest xistine dê nexin însafa îktîdara mêr AKP-MHP’ê û wiha gotin: “Em jin bi hevre bi hêz in. Em dikarin bi têkoşîn û yekitiya xwe azad bijîn. Em bang li hemû jinan dikin, werin em bi hevre têbikoşin. Em ê ji bo jiyanek azad, wekhev têkoşîna xwe berdewam bikin.”
