GIRÊ SPÎ |
Li gorî nûçeya Ajansa ANHA’yê çavkaniyek ji bajarê Girê Spî ku ji aliyê dewleta tirk û çeteyên wê ve hatiye dagirkirin, diyar kir ku bi armanca şermezarkirina biryara dawîn a bikaranîna lîreya tirk û zêdebûna nirxê nan, şêniyên bajar dikan girtine û li pêşiya ‘Meclisa Herêmê’ dewleta tirk protesto kirin.
Bi sedan şêniyên bajarê Girê Spî li pêşiya qaşo Meclisa Herêmê û Çerxerêya Şaredariyê kom bûn û sloganên şermezarkirina siyaseta birçîkirinê û kiryarên serokê ‘Meclisa Herêmê’ Wail Ehmed şermezar kirin.
Çavkaniyan parve kir ku nirxê kîsê nan ku 8 nan tê de hene, bi 200 lîreyên Sûriyeyê bû, lê dagirkeriya tirk ev yek red kir û nirxê nan bi lîreyê tirk diyar kir anku niha her kîsek nan bi 400 lîreyên Sûriyeyê ne.
Dewleta tirk li herêmên dagirkirî yên herêmên Bakur û Rojhilatê Sûriyeyê lîreyê tirk ferz kiriye û gelek pereyên kaxiz û hesin daxist sûkê.
