Navenda Nûçeyan |
Endamê Polîtburoya PDK’ê Huşyar Zêbarî têkildarî êrişên dewleta tirk ên li ser herêma Heftanînê li ser hesabê xwe yê twitterê peyamek weşand.
Bi salane dewleta tirk bi her awayî êrîşî xaka başûrê Kurdistanê dike, li başûrê Kurdistanê bi dehan baregehên leşkerî û navendên sîxurî vekiriye û Partiya Demokrata Kurdistanê (PDK) hewl daye baregehên wê biparêze û ji dagirkeriya wê re bûye alîkar. Lê nû Endamê Polîtburoya PDK’ê Huşyar Zêbarî niyeta Tirkiyeyê ya dagikeriyê hesiya û weke metirsîdar dît.
Endamê Polîtburoya PDK’ê Huşyar Zêbarî di peyama destnîşan kir ku leşkerkêş û êrîşên vê dawiyê yên Tirkiyeyê yên li herêma Zaxo, pêşhatek jeopolîtîk ya gelekî cidî ye.
Zêbarî diyar kir ku êrîş û operasyonên dawiyê zengilek metirsîdar e û gotin û daxuyaniyên berpirsên Tirkiyeyê yên li ser zindîkirina dosyeya dîrokî ya wîlayeta Mûsilê, mirov nîgeran dike.
