Hewldana Edaletê ya ji bo Roboskê di meha 102’yan a Komkujiya Roboskê de ku 19 jê zarok bi giştî 34 sivîl hatibûn qetilkirin, li Şaxa Komeleya Mafên Mirovan (ÎHD) a Enqereyê daxuyaniyek da.
Endamê hewldanê Tanjû Gunduzalp axivî û got ku di nava 444 hefteyan de ne ji aliyê cezakirinê ve, ne ji aliyê rûbirûbûnê ve û ne jî ji aliyê edalet û hiqûqê ve gaveke erênî nehatiye avêtin.
Gunduzalp anî ziman ku ev pergala mêtingerî û şer divê êdî raweste û wiha domand: “Divê welatên dinyayê dev ji lêçûnên ji bo polîtîkayên şer û ewlekariyê berdin, hewl bidin jiyaneke mirovane, xwezayî, bêşer, bêmêtingeriyê û jiyaneke wekhev biafirînin.”
Herî dawî jî Gunduzalp ev tişt destnîşan kir: “Li vê xaka ku bêcezahiştin serdest e. Hê jî kiryar nehatine darizandin. Ev yek jî dibe sedem ku komkujiyên nû bên kirin. Heta ku yên biryara Komkujiya Roboskê dan têne cezakirin û hesabê wê tê dayîn, dê pergaleke wekhev neyê avakirin.” ENQERE
