Navenda Nûçeyan |
Gerîlayê HPG’ê Aykut Ozkur di 25’ê tebaxa sala 2018’an de li navçeya Kanîreş a Çewlikê jiyana xwe ji dest da. Fermandariya Giştî ya Leşkerî jî bi hinceta ‘Ziyan gihandiye malê xizîneyê’ ji malbata Ozkur xwest ku 10 hezar û 406 lîreyan tezmînatê bidin.
Li ser fermana fermandariya leşkerî, Midûriyeta Hesabgirtina Defterdarî ya Çewlikê jî bi heman hincetê der barê dayika Ozkur, Kiymet Ozkur û bavê wî Atîk Ozkur de dosyeya 10 hezar û 406,84 lîre deyn vekir.
Di belgeya danezanê ya ji malbata Ozkur re hatî şandin de tê gotin ku heke di nava mehekê de ev deyn neyê dayîn, dê bi rêya îcrayê vê deynî ji wan wergirin.
