Şaredarîya AKPyî ya Çewlîgî pê lîsteya torpîlî rojdem de ya. Vejîya werte ke Şaredarê Çewlîgî Erdal Arikan û selahîyetdaranê şaredarîye merdimê xo bêîmtîhan girewtî kar.
Lîsteya torpîlî medyaya komelkîye de weşanîyaye. Hetê bînî ra Şaredarîya Çewlîgî hema zî derheqê babete de eşkerayîyêke nêdaye. Lîste de dîyeno ke hetkarê Şaredarî ra heta wekîlanê AKPyî xeylêk kesan merdimê xo şaredarîye de ca kerdî.
Lîste de nameyê nê kesan estê:
*Yusuf Demîr – Lajê Hetkarê Şaredarê Çewlîgî Yaşar Demîrî
*Abdullah Budan – Birayê endamê Meclîsê AKPyî
*Mustafa Guler – Birazayê Serekê AKPyî yê Çewlîgî
*Furkan Berdîbek- Birazayê Wekîlê AKPyî Feyzî Berdîbekî
*Mahmut Bîngol – Namzetê Encumenê 16. yê AKPyî
*Alî Artan – Birazayê Mudirê Daristanan ê Çewlîgî
*Levent Baluken – Birazayê Hetkarê Serekê AKPyî yê Çewlîgî Dîyap Bazencîrî
Endamanê Meclîsê HDPyî mesele raşt kerde û îfade kerd ke hîna zêdêr kesî pê torpîlî şaredarîye de ameyî cakerdene. Endaman da zanayene ke ê do nêzdîye de rayaumûmîye rê eşkerayîyêke bidê. ÇEWLÎG
