Wendekara Unîversîteya Munzurî Gulîstan Dokuye 5ê çeleyî ra nata vînbîyaye ya. Netîceya xebetanê cigêrayîşî Gulîstane ra rêçêk nêame dîyene û tehqîqatê serdozgerîye zî aver nêşino. Seba ke babîyê gumandarê yewînî Zainal Abarakovî polîs o serebût sey ‘xokiştişî’ yeno mojnayene.
Keyeyê Gulîstane qezaya Erxanî ya Amedî ra ame û pirdê Dînarî de ke Gulîstane tewr peyêne uca da dîyaye, hema zî pabeyê kênaya xo yo. Seba ke vindîbîyayîşê Dokuye de îhtîmalê ‘xokiştiş’ sero de yeno vindetene mewkîyê Pirê Sari Saltuk Viyadugu yê serê Gola Awbendê Uzunçayirî de xebatê cigêrayîşê yenî kerdene. Na rewşe zî reaksîyonan virazena.
Keyeyê Doyuye badê vindîbîyayîşê kênaya xo Amed ra şî Dêrsim û hema zî ewja de paweyê xebera kênaya xo yo. Dadîya Gulîstan Doku, Bedrîye Dokuye xebata cigêrayîşî de cayê ekîpan ra nêşina û her roje şona mewkîyê Pirê Sari Saltukî. Dadî Bedrîye Doku pê fotografê kênaya xo şona kişta Çemê Munzurî û lawikanê kurdkîyan vana. DÊRSIM
