Navenda Nûçeyan |
Binpêkirinên dewleta tirk û çeteyên wê yên li Efrînê bênavber berdewam in. Li gorî agahiyên ji Efrînê, koma çete ya bi navê Lîwa Semerqendê ya dewleta tirk di dawiya hefteya bihûrî de li gundê Mezin ê Şêrawa ya Efrînê 2 jê zarok 7 sivîl revandin.
Navên kesên hatine revandin wiha ne: “Ehmed Ezîz û kurê wî Xalid Ezîz, Ebdulkerîm Hemade û kurê wî Rêzan Hemade, Nîzar Şikrî Çîlo. Navên zarokên hatine revandin jî nehat zanîn.” Dewleta tirk û çeteyên wê ji bo fîdyeyê gelek sivîlan direvînin.
Rêxistina Mafên Mirovan a Sûriye-Efrînê da zanîn ku welatiyên bi navên Cemal Umer Elîko (28), Sebrî Ehmed Mihemed (40), Mihyedin Elîko (55) û dayika wî Fîdan, Ebdo Mihemed Abdullah (35) û dayika wî Fatime, Îmad Qadir Hisên (35) û dayika wê Emîna di 30’ê hezîranê de li gundê Dargirê yê Mabata ya Efrînê hatine revandin.
Hêzên dagirker di 9’ê hezîranê de jî li gundê Raco yê navçeya Mabatayê 8 sivîl revandin û ji malbat û xizmên wan fîdye hatibû xwestin. Li gorî agahiyan ber bi dawiya meha gulanê ve, di sala 2018’an de 11 jin, 2 salan bi rengekî hovane îşkence li wan hate kirin. Jinên ku ji bo fîdyeyê hatin revandin nêzî du salan ji malbatên wan hatibûn veşartin.
