Navenda Nûçeyan |
Fermandarê Giştî yê Hêzên Sûriyeya Demokratîk (HSD) Mezlum Ebdî li ser hesabê xwe yê twîtterê daxuyaniyek weşand û wiha got: “Me bi fermandarê Hêzên Navendî yê Amerîkayê general Kenneth McKinsey re hevdîtin pêk anî. Me gelek dozên hevbeş, jê wan şerê li dijî DAIŞ’ê, tunekirina xeteriya terorê ya ku cîhana me tehdîd dike û pêkanîna aştiyê li herêmê nîqaş kirin. Em desteka domdar a ku hêzên Amerîkayê di çarçoveya şerê li dijî terorê û pêkanîna ewlehiyê de pêşkêş dike gelekî baş dinirxînin.”
Fermandarê Hêzên Navendî yê Amerîkayê general Kenneth McKinsey îro gihaşt Bakur û Rojhilatê Sûriyeyê.
7’ê tîrmehê fermandarê giştî yê HSD’ê Mezlûm Ebdî û Fermandarê Hêzên Rûsyayê yên li Sûriyeyê general Alexander Chayko hevdîtin kirin. Herdu aliyan binpêkirina Tirkiyeyê ji peymana 23’yê Cotmehê û qetilkirina sê jinên çalakvan li Kobanê nîqaş kirin.
Ebdî diyar kir ku wan bi Rûsyayê re li ser bilindkirina asta xebata hevbeş li hev kirine.
