Serokwekîlê Koma HDP’ê Sarûhan Olûç li meclisê civîna çapemeniyê li dar xist.
Olûç binçavkirina Hevşaredara Giyadînê ya HDP’î Betul Yaşar bi bîr xist û diyar kir ku ev yek amadekariya ji bo tayînkirina qeyûm e û wiha got: “11 şaredariyên me mabûn, em zanin ku dê qeyûm li wan jî bi cih bikin. Çima êrîş birin ser Şaredariya Giyadînê? Ji ber ku li Şaredariya Giyadînê hefteyên dawî ji bo gel û jinan karên gelekî kêrhatî tên kirin. Hefteya derbasbûyî bazara kedê ya jinê hatibû vekirin. Projeya navenda şêwirmendiya jinê dest pê kiribû. Ev yek ne tenê dijminatiya li şaredariyên HDP’î ye, di heman demê de dijminatiya li şaredariyan e ku ji bo jinan kar dikin. Karê destpêkê yê qeyûman danîna tabelayên kurdî ye, karê duyemîn jî bidawîkirina karên ji bo jinê ye.” ENQERE
