Navenda Ragihanin û Çapemeniyê ya HPG’ê li ser çalakiyên gerîla daxuyaniyeke nivîskî weşand.
HPG’ê di daxuyaniya xwe de ev agahiyan parve kir: “Hêzên me yên YJA Starê di çarçoveya Pêngava Şoreşgerî ya Cenga Heftanînê de 17’ê tîrmehê li dijî artêşa TC’ê ya dagirker çalakî kirin. Di vê çarçoveyê de;
Saet 09:40, 12:05 û 17:05’an hêzên me li dijî leşkerên dagirker ên li Girê Şehdî Cûdî ya dever Şeşdarê bicih bûbûn çalakiyên sekvaniyê lidar xistin. Di van çalakiyan de 3 leşkerên dijmin hatin cezakirin.
Hêzên me di saetên nîvroyê de li dijî dagirkerên li devera Girê Tunelê ya girêdayî Şeşdarê bi taktîka sekvaniyê çalakî kirin. Di vê çalakiyê de leşkerek hate cezakirin.
Saet 13:00’an hêzên me li dijî dagirkerên li Girê Şehîd Bêrîvan bicih bibûn çalakiyeke sekvaniyê kir û leşkerek ceza kirin.
Her wiha balafirên şer ên artêşa TC’ê a dagirker 17’ê tîrmehê saet derdorî saet 13:30’î devera Şehîd Dîren a Herêma Avaşîn a Herêmên Parastinê yên Medyayê, li gel deverên Karker û Şehîd Şahîn a herêma Zapê bombe kirin. Di van bomberdûmana de tu ziyan negihiştiye hêzên me, lê li herêmê şewat derketiye.” BEHDÎNAN
