Têkildarî çalakiyên ku li dijî artêşa tirk a dagirker û çeteyên wê li herêmên dagirkirî hatine lidarxistin, Hêzên Rizgariya Efrînê (HRE) daxuyaniyeke da.
HRE’yê di daxuyaniya xwe de diyar kir ku di roja 13’yê tîrmehê hêzên wan li gundê Sarîcekê ya navçeya Bilbilê li hemberî navendeke çeteyan çalakiyek pêk anîne û ev agahî parve kir: “Di encama çalakiyê de li gorî agahiyên ku hatin bidestxistin 3 çete hatin kuştin, 2 çete jî birîndar bûn. Piştî çalakiyê çeteyan hinek gundî girtin û îşkence li wan kir.
Di roja 20’ê tîrmehê hêzên me li bajarê Ezazê çalakiyeke sekvanî li dar xist. Di encama çalakiyê de çeteyek bi navê Osama Hadme a girêdayî koma Sultan Murad hat kuştin.
Giştî di van her du çalakiyan de 4 çete hatin kuştin û 2 çete jî brîndar bûn.” EFRÎN
