NavendaNûçeyan |
Di encama tundiya mêr û bêcezabûnê de û her wiha ji ber vîrusa koronayê (Covid-19) jî jin û zarok bi tundiyê rû bi rû hatin hiştin û hatin kuştin. Nîqaşên vekişandina ji Peymana Stenbolê mêr wêrektir kir. Jin li dijî polîtîkayên bêcahiştinê û nîqaşa vekişandina ji Peymana Stenbolê têkoşîna xwe didomînin.
Kuştina jinan her ku diçe zêde dibe. Li navçeya Ula ya Muglayê mêrê bi navê Metîn Cemal, Pinar Gultekîn qetil kir û li ser vê yekê jin daketin qadan. Lê belê jinên li dijî tundiya mêr dengê xwe bilind kirin vê carê bi tundiya polîsan re rû bi rû man.
Platforma Em ê Cînayetên Jinan Bidin Rawestandin (KCDP) anî ziman ku di meha tîrmehê de 36 jin hatine qetilkirin û 11 jinî jî bi awayekî bi guman jiyana xwe ji dest dane. Li gor daneyan di meha tîrmehê de 35 jin hatin qetilkirin û 8 jinî jî bi awayekî bi guman jiyana xwe ji dest dan. Di meha tîrmehê de 20 jin bi êrîşa zayendî rû bi rû hatin hiştin. Di encama tundiya mêr de 4 zarok hatin qetilkirin û 5 zarokî jî bi awayekî bi guman jiyana xwe ji dest dan. 5 zarok jî bi êrîşa zayendî û tundiyê re rû bi rû hatin hiştin.
