Li Girtîgeha Tîpa T a Hejmara 3 a Tarsûsê ya Mêrsînê, Midûrê Karê Nivîsê yê Rojnameya Azadiya Welat a bi Biryara Hikmê Qanûnê (KHK) hat girtin Îsmaîl Çoban, di hevdîtina xwe ya duh a bi malbata xwe re kir de, diyar kir ku bi 4 hevalên xwe re bi şewba vîrusa korona (Kovîd-19) ketine û dest nîşan kir ku girtiyên bi vîrusê ketine, nayin dermankirin.
Çoban da xuyakirin ku rewşa tenduristiya girtiyan xeternake û wiha got: “Hevalên me ev 14 roj in têkoşîna jiyanê didin. Lê tiştek ji bo wan nayê kirin. Tenduristiya me pir cîdiye û di talûkeyê de ye. Em rastî binpêkirinên mafên cîdî tên. Dibe ku em carek din, dernekevin hevdîtina telefonê.” MÊRSÎN
