Parêzerên endamê Baroya Mersînê, Komeleya Hiqûqnasên Azadîxwaz (OHD) û Komeleya Hiqûqnasên Hemdem (ÇHD), ji bo balê bikişînin ser rewşa hempîşeyên xwe Ebrû Tîmtîk û Aytaç Unsal ku di rojiyê mirinê de ne, li ber Edliya Mersînê hatin gel hev. Parêzerên ku li vir ‘Nobeta Edaletê’ pêk anîn, pankarta ‘Bila edalet pêk bê û Ebrû û Aytaç bijîn’ ku wêneyên Tîmtîk û Unsal li ser hebû vekirin. Nûnerên rêxistinên sivîl ên li bajar jî piştgirî dan parêzeran. Di çalakiyê de dirûşma ‘Ebrû û Aytaç rûmeta me ne’ hatin berzkirin. Parêzeran daxwaz kir ku daxwazên hempîşeyên wan bên qebûlkirin.
Piştî axaftinan parêzeran çalakiya rûniştinê li dar xistin. Piştî çalakiya rûniştinê parêzer Sabahat Gençtarîh û Mehdî Zana Akkaya ragihandin ku dê ji bo piştgiriya Tîmtîk û Unsal di çalakiya greva birçîbûnê de bin û ji bo çalakiyê derbasî Baroya Mersînê bûn. MÊRSÎN
