Endamê Konseya Rayberdişî ya KCKyî û Koordînasyonê Komelê Êzidîyan Zekî Şengalî (Îsamaîl Ozden) serrgêra şehdadetê ci de bi merasîmêk serê gorê ci de ame vîrardene.
Vîrardiş serkeşîya Dezgehê Keyeyanê Şehîdan ê Şengalî de Şehîdgehê Şehîd Berxwedan û Şehîd Dilgeşî de ame kerdene. Aktîvîteyêka bi rêzgirewtiş û merasîmê leşkerî dest pêkerd bi qiseykerdişanê derheqê Şengalî dewam kerd.
Badê merasîmê leşkerî, komelê êzidîyan, şervanê YBŞ û YJŞyî û endamanê Asayîşê Êzidxanî gorê Mam Zekî Şengalî ser o vilîkî nayî ro. Qiseykerdişan de derheqê cuya, têkoşîn û mîrasê şorişgêrî yê Şengalî de ame qalkerdene. Ama vatene ke şarê êzidîyan Mam Zekî rê zaf çî deyndaro û soz ama dayene ke do waştişê ey bêrê caardene.
Zekî Şengalî (Îsamaîl Ozden) 15ê tebaxa 2018î de Derîyê Şilo ya Şengalî de netîceya teyarayanê şerî yê tirkî de şehîd kewt. ŞENGAL
